Lexoni edhe:
Festë e madhe për qytetarët e Kosovës në fund të këtij viti, vjen liberalizimi i vizave
Eurodeputetja franceze e ekstremit të djathtë: Kosovës as viza as integrim në BE
Eurodeputetja franceze e ekstremit të djathtë, Dominique Bilde, ka thënë se Kosovës as nuk duhet t’i liberalizohen vizat e as të lejohet që të anëtarësohet në Bashkimin Evropian.
Kështu ka shkruar Bilde pasi në Parlamentin Evropian është diskutuar për Kosovën, e ku ndër të tjera është thënë se dialogu Kosovë-Serbi duhet të përmbyllet me njohje reciproke mes dy shteteve.
“Kosova ishte në program këtë javë në Parlamentin Evropian. Ne refuzojmë zgjerimin e BE-së me këtë vend. Ne gjithashtu kundërshtojmë që të hiqen vizat për shumë shtetas të tyre. Është koha të ndalet kjo marrëzi”, ka shkruar francezja Bilde.
Ndaj saj ka reaguar ish-ambasadorja e Kosovës në SHBA, Vlora Çitaku, duke i thënë se Kosova i ka plotësuar të gjitha kushtet dhe se liberalizimi nuk ndërlidhet me zgjerimin.
Çitaku madje ia ka kujtuar edhe faktin se qytetarët e Venezuelës lëvizin pa viza.
“Me gjithë respektin zonjë, e keni gabim për këtë. Institucionet e Kosovës i kanë plotësuar të gjitha kriteret për udhëtim pa viza kohë më parë. Liberalizimi i vizave nuk ka lidhje me zgjerimin. Qytetarët e Venezuelës udhëtojnë pa viza në BE”, ka shkruar Çitaku
With all due respect madam, you are wrong on this one.
— Vlora Çitaku ? (@vloracitaku) July 8, 2022
Kosovo ?? institutions have meet all the criteria for visa free travel long time ago.
Visa liberalization has nothing to do with enlargement. Citizens of Venezuela travel visa free to EU. https://t.co/ALhgbFul5J
(Kosova Sot Online)
