Lexoni edhe:
Mediat në Zvicër me reportazh për mërgimtarët që vijnë verës për t’u martuar apo gjetur fatin e jetës
Arifi: Reciprociteti me targat në zbatim, nxënësit në Luginë obligohen ta këndojnë himnin serb
Kryetari i Preshevës, Shqiprim Arifi, sheh hipokrizi në përpjekjen e Qeverisë së Kosovës për të vendosur reciprocitet me Serbinë.
Arifi sot ka publikuar një fotografi duke vënë ngjitësin mbi stemën e Serbisë në kufi, duke kujtuar se nxënësit shqiptarë në Luginën e Preshevës obligohen që në ditën e parë të shkollës ta këndojnë himnin serb.
“Reciprociteti me targat në zbatim, ndërkohë nxënësit shqiptarë në Luginë të Preshevës, në ditën e parë të shkollës, obligohen të intonojnë himnin kombëtar të Serbisë “Bože Pravde”!”, ka shkruar Arifi.
Të mërkurën, Arifi publikoi dokumentin me të cilin nxënësit shqiptarë detyrohen ta këndojnë himnin serb, teksa pyeti se “cilat aktivitete e zhvillime janë ndërmarrur dhe planifikuar në këtë drejtim nga Qeveria e Republikës së Kosovës?”.
Gjatë vizitës në Luginën e Preshevës, zëvendëskryeministri Besnik Bislimi dhe ministrja e Arsimit, Arbërie Nagavci nuk u takuan me Shqiprim Arifin, kryetarin e Komunës së Preshevës. Ky i fundit tha se Qeveria Kurti ende nuk i ka transferuar 2 milionë eurot e premtuara.
(Kosova Sot Online)
