Lexoni edhe:
Kosova e ka çelësin e marrëveshjes me Serbinë, nuk ka kompromis me sovranitetin e shtetit
Tragjike, edhe një e mitur dyshohet se u dhunua në komunën e Istogut
Një tjetër rast i dhunimit seksual është raportuar në Policinë e Kosovës. Një vajzë e mitur dyshohet se është dhunuar nga një person i moshës madhore në komunën e Istogut.
Viktima dyshohet se është dhunuar rreth një muaj më parë, por sipas policisë për shkak të frikës nuk e ka raportuar rastin në polici deri dje. Ajo në polici është paraqitur së bashku me prindin e saj.
Pas raportimit të rastit, policia ka arrestuar të dyshuarin, i cili me urdhër të prokurorit është dërguar në mbajtje.
Këto informacione i dha, Fadil Gashi – zëdhënës në policinë rajonale të Pejës.
“Rasti ka ndodhur para një muaji më 09 gusht 2022 në komunën e Istogut, viktima nuk e ka raportuar rastin për shkak të frikës. Hetuesit po e trajtojnë rastin dhe të dyshuarit i është caktuar masa e ndalimit për 48 orë”, tha Gashi.
(Kosova Sot Online)
