Më shumë se gjysma e gazit të Nord Stream ka rrjedhur në det, deri në fund të javës s’do të mbetet asgjë

Më shumë se gjysma e gazit në tubacionet e dëmtuara të gazsjellësit Nord Stream 1 dhe Nord Stream 2 ka rrjedhur nga tubat dhe vëllimi i mbetur pritet të zhduket deri të dielën, ka thënë të mërkurën kreu i Agjencisë Daneze të Energjisë, Kristoffer Bottzauw, raporton Reuters.

Rrjedhjet në tubacione u zbuluan të hënën pasi ato shpërthyen në disa vende në ujërat daneze dhe suedeze. Bashkimi Europian dhe NATO kanë thënë se gjithçka u bë qëllimisht nga Rusia.

Lexoni edhe:

Ambasadori gjerman sqaron kur mund të nisë udhëtimi pa viza, nëse BE vendos t’i heq ato

Policia daneze ka nisur gjithashtu një hetim për këtë çështje dhe po bashkëpunon me autoritetet policore në Suedi dhe Gjermani, tha shefi i policisë së Kopenhagës Anne Tonnes në një konferencë për shtyp.

Tubacionet përmbanin një total prej 778 milionë metra kub gaz natyror, që korrespondon me 32% të emetimeve vjetore të CO2 të Danimarkës, tha në një deklaratë Agjencia e Energjisë.

(Kosova Sot Online)