Lexoni edhe:
Gruaja që u bë milionere duke trafikuar fëmijët
Kryekuvendari serb: S’e njohim Kosovën dhe do ta bllokojmë anëtarësimin e saj në organizata ndërkombëtare
Gjatë një vizite në Washington, në vendin ku “njohja e ndërsjellë” mes Kosovës dhe Serbisë është kërkesë permanente ndaj kësaj të fundes, kryekuvendari serb, Vladimir Orliç deklaroi se për Serbinë një gjë e tillë nuk është e pranueshme.
Ndonëse marrëdhëniet mes Shteteve të Bashkuara dhe Serbisë, Orliç i vlerësoi në përmirësime pozitive, njohjen e Kosovës dhe mospengimin e anëtarësimit të Kosovës në organizata ndërkombëtare, që janë edhe kërkesë amerikane, sipas tij, Serbia nuk i përfill.
“Presidenti i Serbisë, Aleksandar Vuçiç, foli për këtë. Për faktin se një ofertë e tillë ekziston. Por, ju qartësisht e dëgjuat përgjigjen e shtetit serb, të komunikuar përmes fjalëve të presidentit serb. Serbia absolutisht nuk dëshiron dhe nuk do ta njohë Kosovën, përmes asnjë oferte ose varianti që u diskutuan në publik. Ne respektojmë sovranitetin dhe integritetin tonë territorial”, ka thënë ai, raportoi telivizioni publik i Vojvodinës.
Orliç tha se për Serbinë nuk është e pranueshme që Kosova të bëhet anëtare e OKB-së në këmbim të përshpejtimit të proceseve integruese evropiane të Serbisë.
Presidenti serb, Aleksandar Vuçiç, në një fjalim të kusheditësatënherë “historik” drejtuar serbëve, tha se po i propozohet të lejohet anëtarësimi i Kosovës në OKB, për çka ai tha se Serbia nuk e pranon.
(Kosova Sot Online)
