Lexoni edhe:
Këto do të jenë ndëshkimet për dhunuesit s*ksualë dhe personave që kryejnë dhunë në familje
“Heshtja apo injorimi i një gruaje i zvogëlon ata që e injorojnë”, me kë e ka Ganimete Musliu?
Deputetja e PDK-së, Ganimete Musliu, ka bërë një deklaratë në Facebook duke krahasuar situatat mes grave dhe burrave kur kundërshtojnë për ndonjë çështje.
Pa treguar se me kënd e ka këtë mesazh, Musliu ka shkruar se heshtja apo injorimi i aktivitetit të një gruaje, nuk e zvogëlon atë grua, por i zvogëlon ata që tentojnë të heshtin dhe të injorojnë.
“Kur kundërshton një burrë dhe jep dorëheqje për shkak të pakënaqësive, atë e falënderojnë për kontributin dhe e vlerësojnë për punën ndërsa kur kundërshton një grua dhe nuk pajtohet me maskaradat, asaj nuk i njihet kontributi dhe nuk ka mirënjohje për aktivitetin e saj dhe e linçojnë si antireformiste. Heshtja apo injorimi i aktivitetit të një gruaje, nuk e zvogëlon atë grua, por i zvogëlon ata që tentojnë të heshtin dhe të injorojnë”.
Së fundi, Musliu ka shfaqur në publik disa mospajtime që ka me partinë e saj, PDK-në. Kjo u shpërfaq pas Konventës Programore të partisë ku Musliu nuk mori pjesë.
(Kosova Sot Online)
