Lexoni edhe:
Nora Gjakova lë pas lëndimin, e nis me fitore Grand Slamin e Abu Dhabit
“Nuk është e mençur që Vuçiq të luajë me këshilltarin kryesor të Biden”
Profesori amerikan që ligjëron në shkollën për studime të avancuara ndërkombëtare në Universitetin “John Hopkins” në Washington, Edward P. Joseph ka reaguar pas ofensivës së fundit të Shteteve të Bashkuara të Amerikës dhe Evropës lidhur me procesin e dialogut në mes të Kosovës dhe Serbisë. Joseph ka thënë se më në fund Washingtoni po vepron sipas Strategjisë së Konvergjencës së publikuar muaj më parë e ku është edhe vet autor.
Profesori amerikan ka thënë se deklaratat e emisarit amerikan për Ballkanin Perëndimor, Gabriel Escobar, të bëra në intervistën për Kanal 10, janë plotësisht në përputhje me konstatimet e Strategjisë së Konvergjencës ku përmenden si jetike marrja e njohjes së pavarësisë nga pesëshja e BE-së dhe anëtarësimi i Kosovës në NATO.
Edward P.Joseph
Ndërkohë Joseph përmend edhe deklaratën e Escobar për çështjen e Ballkanit të Hapur, nismë për të cilën ka thënë se duhet të jetë plotësisht në përputhje me Procesin e Berlinit pa kushte dhe gjithëpërfshirëse.
Joseph thotë se mbase një qëndrim i tillë i Escobar për “Open Balkan” ka ardhur si rezultat i veprimeve të Aleksander Vucic i cili nënshkroi para syve të amerikanëve marrëveshje koordinimi të politikës së jashtme me Rusinë.
“Pse ky përqafim i vonuar i strategjisë së shëndosh. Ndoshta Vucic ndihmoi Washingtonin të shihte dritë pas nënshkrimit të paktit serbo-rus muajin e kaluar në tokën amerikane, përballë botës, me figurën e sanksionuar ruse Lavrov. Nuk është e mençur që Vuçiq të luajë me Jake Sullivanin në këtë mënyrë”, ka shkruar Joseph.
(Kosova Sot Online )
