Lexoni edhe:
Përfundon regjistrimi: Zyrtarisht, kaq shqiptarë janë në Preshevë, Bujanoc dhe Medvegjë
Intesifikohet beteja për Khersonin, luftimet e ashpra detyrojnë civilët të largohen
Beteja për qytetin jugor të Khersonit po intensifikohet, pasi forcat ukrainase përpiqen të kalojnë mbrojtjen ruse dhe forcat pushtuese po rrisin presionin ndaj banorëve për të braktisur shtëpitë e tyre, shkruan CNN.
Të dyja palët kanë raportuar për luftime të ashpra në lagjen Beryslav të qytetit të pushtuar nga Rusia, ku forcat e Kievit po përpiqen të depërtojnë.
Kirill Stremousov, nënkryetari i administratës ushtarake të rajonit Kherson, i mbështetur nga Rusia, tha në Telegram se ukrainasit “po përpiqeshin në çdo mënyrë të mundshme, me betejë zbulimi, të depërtojnë në drejtimin Beryslav”, por se “të gjitha përpjekjet janë zmbrapsur”. Ai shtoi se rreth 70 u vranë dhe disa pjesë të pajisjeve u shkatërruan.
Ndërsa zyrtarët ukrainas në rajonin jugor thanë se forcat ruse kishin granatuar disa komunitete në zonë. “Armiku vazhdon të mbrohet dhe përpiqet të mbajë linjat e okupuara”, tha Komanda Operacionale e Ukrainës Jug. Pjesa më e madhe e luftimeve janë në një fshat të hapur e të sheshtë në perëndim të lumit Dnipro.
Sipas palës ukrainase, njerëzit po dëbohen nga shtëpitë e tyre dhe po detyrohen të kalojnë në bregun lindor të lumit Dnipro. Forcat ruse kanë evakuuar civilët nga Kherson ndërsa forcojnë mbrojtjen e tyre në rajon, një lëvizje që disa organe humanitare thanë se përbën shkelje të të drejtave të njeriut.
(Kosova Sot Online )
