Lexoni edhe:
Serbët protestues në Rudare shpalosin një pankartë të madhe me një mesazh provokativ për Kryeministrin Albin Kurtin
Ministri serb i mbrojtjes Vuçeviq kërcënon seriozisht Kosovën për barikadat: Rrugë në drejtim të gabuar dhe skenar katastrofik nëse hiqen barrikadat
Ministri serb i mbrojtjes Millosh Vuçeviq ka kundërshtuar paralajmërimin e autoriteteve të Kosovës për fillimin e heqjes së barrikadave në veri, të vendosura nga qytetar serb atje, transmeton "Kosova Sot Online". “Rrugë në drejtim të gabuar dhe skenar katastrofik”, e ka quajtur ministri serb i mbrojtjes, Millosh Vuçeviç, nëse eventualisht Kryeministri i Kosovës, Albin Kurti, vendos t’i heq barrikadat e vendosura nga serbët në pjesën veriore, t raportoi televizioni publik i Vojvodinës, transmeton "Kosova Sot Online".
Vuçeviç vazhdoi me narracionin e kahershëm se “nuk do të ketë ‘rrufe’, ‘stuhi’ e as mars të 2004’ës” derisa shtoi se “kushdo që mendon kështu e ka gabim”. “Nuk do të doja të shihja këtë skenar dhe shpresoj se askush nuk mendon të na kontrollojë se sa serioz dhe të vendosur jemi”, ka thënë ai.
Duke folur për refuzimin eventual të KFOR’it për refuzimin e kërkesës së Serbisë për të lejuar kthimin, siç pretendojnë ata, të rreth një mijë trupave ushtarake serbe në Kosovë, Vuçeviç tha se në atë rast KFOR’i do të duhet t’i jep Serbisë garanci shtesë që KFOR’i është i aftë të ruajë paqen për të gjithë qytetarët, shkruan Reporteri.net.
“Nëse më pyesni mua se cila është përshtypja ime kur flas me përfaqësues të lartë, në rend të parë me NATO’n e që de fakto është KFOR’i, ata nuk duan konflikte. Se çfarë bën politika dhe kush e inkurajon Kurtin për të gjitha këto, nuk mund të nxjerr përfundime. Mbase edhe di diçka për këtë, por jo mjaftueshëm që ta deklaroj”, ka thënë ministri serb i mbrojtjes. Kryeministri i Kosovës, Albin Kurti, në një intervistë dhënë për gazetën britanike “The Guardian”, ka thënë se ekziston shqetësimi që heqja e barrikadave nga ana e autoriteteve të Kosovës mund të kishte pasoja edhe në jetën e njerëzve. Një deklaratë e tillë e Kurtit u shtrembërua nga krerët e shtetit serb të cilët në çdo paraqitje mediatike të ditëve të fundit e kanë quajtur “thirrje e hapur për vrasje të serbëve”.
(Kosova Sot Online )
