Haxhiu suspendon nga detyra vëllain e deputetes

Se sot është suspenduar përmbaruesi Ilir Mulhaxha, ka njoftuar ministrja e Drejtësisë, Albulena Haxhiu, transmeton gazeta “Kosova Sot Online”.

Sipas saj, AKP ka kërkuar inicim të procedurës disiplinore ndaj Mulhaxhës “mbi bazën e shkeljeve ligjore të pretenduara”.

Ilir Mulhaxha është vëllai i deputetes Fatmire Mulhaxha- Kollçaku.

Postimi i plotë:

Sot, në kuadër të kompetencave ligjore kam marrë vendim për suspendimin e përmbaruesit privat Ilir Mulhaxha.

Ky vendim është marrë pas kërkesës së AKP-së për inicimin e procedurës disiplinore ndaj permbaruesit privat, mbi bazën e shkeljeve ligjore të pretenduara.

Andaj, për t’u siguruar që procedura disiplinore zhvillohet pa pengesa dhe pa asnjë ndikim, kam marrë vendim siç përcaktohet në dispozitiv.

Nuk mund të tolerojmë që mbi kurrizin e interesit të përgjithshëm të realizohen interesa të kundërligjshme personale.

(Kosova Sot Online)