Lexoni edhe:
Gjykimi i skandalit McGonigal në Shqipëri me rrezik nga abuzimi i institucioneve të drejtësisë të kapura nga rrjeti kriminal i Edi Rames
SHBA me reagim të fortë ndaj Millorad Dodikut për kërcënimet e vazhdueme me ndarje të Bosnes
Shtetet e Bashkuara të Amerikës kanë reaguar ashpër ndaj kreut të “Republika Srpska”, Millorad Dodik, pasi ky i fundit në vazhdimësi kërcënon me shkëputje nga Bosnje e Hercegovina dhe tashmë është edhe duke minuar edhe punën e Gjykatës Kushtetuese të Bosnje e Hercegovinës, shkruan "Kosova Sot Online ".
SHBA ka potencuar se janë krenare dhe qëndrojnë me popullin e Bosnje e Hercegovinës derisa ata ndërtojnë të ardhmen e tyre dhe ecin drejt integrimit euro-atlantik.
Ndërkohë kërcënimet e Millorad Dodik ndaj Marrëveshjes së Dejtonit i kanë cilësuar si të papërgjegjshme, të rrezikshme dhe të dëmshme për përparimin e mëtejshëm të Bosnje e Hercegovinës.
Gjithashtu kanë paralajmëruar se do të mbajnë përgjegjës ata që minojnë institucionet e Bosnje e Hercegovinës dhe Marrëveshjen e Dejtonit.
“Shtetet e Bashkuara kanë qenë dhe do të mbeten mbështetësi dhe partneri më i fortë i Bosnje-Hercegovinës dhe popullit të saj. Ne zotohemi të vazhdojmë të mbështesim sovranitetin, integritetin territorial dhe karakterin multietnik të BiH-së dhe të mbajmë përgjegjës ata që kërkojnë të minojnë institucionet e BiH dhe Marrëveshjen e Paqes të Dejtonit. Angazhimi ynë është i fortë dhe Shtetet e Bashkuara të Amerikës nuk do të heqin dorë nga populli i Bosnje-Hercegovinës”, thuhet në reagimin e Departamentit Amerikan të Shtetit.
(Kosova Sot Online )
