Abazoviq: Unë jam kryeministër që ka dëshirë t’i ndërroj gjërat

“Unë jam kryeministër që ka dëshirë t’i ndërroj gjërat. Ata që kanë qejf të jetojnë në vitet’90-ta, në status quo, ua pranoj si mendim. Por unë kam qenë drejt”, ka deklaruar kryeministri në detyrë i Malit të Zi, Dritan Abazoviq, transmeton gazeta "Kosova Sot Online".

“Kisha Ortodokse Serbe në Mal të Zi është organizata më e madhe fetare. Kemi marrëveshje edhe me Bashkësinë Islame, Bashkësinë Herbreje, Kishën Katolike. Kemi dashur që t’i sjellim të gjithë në nivel sa i takon ligjit”, tha ai.

“Është hera e parë kur me marrëveshje kemi marrë obligime. Është njohje. Ata kanë hyrë në sistemin ligjor të Malit të Zi. Kjo nuk ka ndodhur përgjatë 30 vjetëve të Millo Gjukanoviqit, sepse kanë dashur që ta mbajnë si çështje që kur të vjen koha e zgjedhjeve ta aktivizojnë”

Abazoviq ka thënë se si kryeministër ka marrë vendime shumë të rëndësishme, që Mali i Zi të ketë të ardhme evropiane.

(Kosova Sot Online)