Lexoni edhe:
I akuzuari për falsifikim të votave në zgjedhjet e 2017-ës në proces rigjykimi, thotë se s’kishte bërë asgjë me qëllim
Ambasadori Hill: Serbët e kanë pritur Asociacionin për një kohë të gjatë, fundi është afër
Ambasadori amerikan në Serbi Christopher Hill ka thënë se ka pritje që më 2 maj do të ketë një diskutim intensiv për Asociacionin e Komunave me Shumicë Serbe, duke shtuar se mendon që fundi i kësaj çështjeje është afër, transmeton "Kosova Sot Online".
“Serbët e kanë pritur këtë për një kohë të gjatë, por ne kemi arritur në një pikë ku do të bëhet shumë reale”, tha Hill për Pink TV, duke shtuar se SHBA-ja beson se Asociacioni është çelësi për arritjen e normalizimit të marrëdhënieve.
Ai tha se edhe pse ka tensione në ajër, edhe ai ndjen se çështja është e rëndësishme dhe se “do të shohim diçka të rëndësishme”.
I pyetur se me çfarë do të ishte i kënaqur Washingtoni në bisedime, Hill përmendi prapë Asociacionin dhe tha se ai e di që ai nuk do të bëhet një ditë pas takimit, por se beson se do të ketë mirëkuptim në atë që duhet bërë.
“Sapo çështja e Asociacionit të përfundojë, ne do të shohim përparim në aspekte të tjera të normalizimit,” tha Hill, duke shtuar se të gjithë duhet të jenë të qetë.
Hill u pyet edhe për pikëpamjet e serbëve që liberalizimin e vizave për Kosovën dhe procesin e anëtarësimit të saj në Këshill të Europës e shohin si shpërblim, Hill tha se këto janë procese të ndara, por se “i kupton pse serbët ndihen kështu”. Ai tha se Serbia do të jetë anëtare e Bashkimit Europian.
(Kosova Sot Online )
