Shqipëria dhe RMV-ja nga sot kontroll të përbashkët në kufi! Rama: Qëllimi final, unfikimi i doganave

Shqipëria dhe Maqedonia e Veriut prej sot do të nisin zbatimin e marrëveshjes për kontroll të përbashkët kufitar në Qafë Thanë, e cila është porta kryesore e lëvizjes në të dy anët e kufirit të përbashkët, transmeton "Kosova Sot Online".

 Kryeministri Edi Rama ka qenë i pranishëm në pikën e kalimit kufitar ku ka theksuar se është e rëndësishme që dy vendet të lehtësojnë sa më shumë procedurat tregtare në mënyrë që institucionet të mos kenë pengesa dhe vonesa të panevojshme në dogane. “Sot është një moment i rëndësishëm për të gjithë ato që kalojnë nga kjo pikë kufitare qofshin individë apo kompani që shkëmbejnë mes dy vendeve. Është një moment i rëndësishëm pasi më në fund ua lehtësojmë në mënyrë të konsiderueshme kalimin në këtë pikë dhe u japim një shtysë të mëtejshëm jo vetëm shkëmbimeve tregtare por edhe marrëdhënieve në tërësi pa harruar turizmin. Një inpakt të jashtëzakonshëm të transformimit të imazhit të saj dhe si asnjë vit më parë fluksi i turistëve dhe numri i investitorëve të mëdhenj ndërkombëtar të interesuar për të investuar në industrinë e turizmit në Shqipëri bashkë me shqiptarët e diasporës dhe ato në vend është shumë inkurajues. Natyrisht që zhvillimi i mëtejshëm dhe rritja e dëshiruar e industrisë së turizmit dhe e sektorëve të tjerë të prodhimit kërkojnë një qasje komplekse dhe një pjesë e patjetërsueshme është transformimi në kalim të kufijve. Me kryeministrin kemi folur në vijimësi dhe nga e kemi parë se ka shumë pengesa nga inercia e të shkuarës dhe nga paragjykimi për liberalizimin e lëvizjes.

Lexoni edhe:

Ndalohen në kufi me Shqipërinë babë e bir nga Kosova, nuk i deklaruan mbi 28 mijë euro

Një gjë e tillë sjell jo vetëm lehtësi por edhe transparencë, dhe më pak praktika të këqija për praktikat e subjekteve tregtare dhe rritje përgjegjësie për njësitë ligjzbatuese në pikën kufitare. Në këtë pikë kufitare nga fillimi i vetëm kanë lëvizur mbi 770 mijë shtetas dhe procedura e thjeshtuar me një ndalesë është ajo që i nevojitet. Unë3 shpresoj që të dy ministritë e brendshme do të kalojnë në një tjetër nivel në këtë periudhë piku sezoni dhe më pas në vijim për të bërë kalimin pa kontroll ose me kontroll të rastësishëm për makinat me targa shqiptare apo të Maqedonisë së veriut për të lehtësuar edhe më shumë këtë procedurë”, është shprehur Rama.

Ndër të tjera ai ka folur për korridorin e Tetë dhe atë blu.

“Ky është një hap i rëndësishëm por qëllimi final është unifikimi i doganave që do të vijë me integrimin e plotë të dy vendeve në Be por ne nuk kemi pse presim këtë për ta avancuar si ide. Ka pasur shumë skeptikë kur ne e filluam këtë proces por ndërkohë rezultatet flasin çdo ditë e më mirë për ta bërë hapësirën mes nesh një hapësirë që bashkëjetohet si në BE pa pritur që të integrohemi në BE.

Korridori i Tetë është një tjetër ëndërr e vjetër që duhet që të realizohet dhe në dy anët e kufirit po punohet për këtë korridor dhe ne jemi duke punuar në dy kantierë dhe po përpiqemi që së shpejti të hapim dy të tjerë. Korridori blu është një tjetër hap i rëndësishëm ku ne po punojmë në disa segmente, si Milot-Balldren, duke vijuar me segmentin Kashar-Lekaj dhe më pas Lekaj-Fier, presim Milot Thumanë, presim që deri në fund të vitit të jetë edhe projekti që lidh Bunën me Balldrenin për të pasur një korridor me standarte të BE që do të lidhë Jugun me Veriun dhe do të mbarojë tortura e të gjithëve”, ka thënë kreu i qeverisë shqiptare.

Kryeministri i Maqedonisë së Veriut Kovaçevski në fjalën e tij tha se për pesë vite do të kemi realitet edhe “Korridorin 8”.

“Rezultati i bashkëpunimit mes dy kryeministrave është ky ku jemi sot. Nisim “one stop” në doganë. Sot fillon qarkullimi më i shpejtë i njerëzve dhe i mallrave,

Kjo rrit lidhjet mes njerëzve, rrit shoqërimin mes dy shteteve, diçka që mungonte për gjysmë shekulli. Sot ne jemi shembull se si duhet të sillen dy vende fqinje. Kështu mundojmë qasje më të lehtë deri në portin e Shqipërisë dhe qasje më të lehtë për vendet turistike mes dy vendeve. Sot përveç kësaj, për pesë vite korridori i 8 do të bëhet realitet. Për 5 vite do të kemi infrastrukturën më të mirë në Ballkan.

Ky korridor mund të financohet edhe nga BE. Nga nesër do të nisin rritja e kapaciteteve e nëpunësve që punojnë në këtë pikë kufitare“, tha ndër të tjera kryeminstri i Maqedonisë së Veriut.

(Kosova Sot Online )