Ja kush është 39-vjeçari që mbeti i vdekur si pasojë e të shtënave me armë zjarri mbrëmë në Prishtinë

39-vjeçari Kastriot Ramadani, është personi i cili ka vdekur si pasojë e lëndimeve të marra nga arma e zjarrit mbrëmë në Prishtinë, transmeton "Kosova Sot Online".

Lajmin për vdekjen e njërit prej të plagosurve e ka konfirmuar doktori Shaqir Uka nga Klinika Intensive, i cili tha se bëhet fjalë për një 39-vjeçar.

“Po, ka vdekur një prej personave të plagosur mbrëmë, një 39-vjeçar. Ai ishte nën kujdesin intensiv kishte intervenim kirurgjik por për shkak të lëndimeve të mëdha, fatkeqësisht ka vdekur në orët e hershme të mëngjesit të sotëm”, ka thënë Uka.Në faqen e fshatit Zabel i Ulët është publikuar edhe fotografia e viktimës. Ndryshe, 21 persona kanë mbetur të lënduar pas të shtënave me armë zjarri në një lokal në qendër të Prishtinës, katër prej të cilëve nga arma e zjarrit. Rasti raportohet të ketë ndodhur pas një mosmarrëveshje.

1 / 2

2 / 2

(Kosova Sot Online )