Kurti njofton për masat e reja për efiçiencën e energjisë: Subvencioni mbulon 45% vlerën e investimit

Kryeministri i Kosovës, Albin Kurti, në rrjete sociale ka njoftuar se është hapur thirrja për masat e radhës lidhur me efiçiencën e energjisë, transmeton "Kosova Sot Online".

Ai ka bërë të ditur se subvenciomi bëhet për termoizolimin e mureve, ndërrimin e dritareve dhe dyerve të jashtme. Sipas tij, subvencioni mbulon 45% të investimeve, deri në 5 mijë e 500 euro.

Postimi:

Lexoni edhe:

Shpërthen zjarri brenda oborrit të QKUK-së

Hapet thirrja për masat e radhës për rritjen e efiçiencës të energjisë.

Për t'ua lehtësuar investimet në shtëpitë tuaja me qëllim që të keni dimra më të ngrohtë e vera më të freskëta, falë përkushtimit të Ministrisë së Ekonomisë dhe Ministrisë së Financave, Punës dhe Transfereve, mbështetjes së Bashkimit Evropian dhe angazhimit të Fondit të Kosovës për Eficiencë të Energjisë nga sot kemi hapur thirrjen për masat e reja për rritjen e efiçiencës energjetike në shtëpitë private. 

Përmes këtyre masave të reja, do të mund të përfitoni nga subvencionimi për termoizolim të mureve të jashtme dhe kulmeve dhe ndërrim të dritareve dhe dyerve të jashtme. Subvencioni do të mbulojë 45% të vlerës së investimit, deri në 5,500 euro. E për familjet ku shtëpia është bashkëpronësi e të dy bashkëshortëve apo në pronësi të gruas, subvencionimi arrin 50%. 

Gjatë vitit të kaluar kemi subvencionuar 10,000 familje me 5 milionë euro për të blerë pajisje efiçiente për ngrohje. Këtë vit kemi trefishuar buxhetin për pajisje dhe me 20 milionë do të investojmë në efiçiencë të shtëpive të banimit e ndërtesave shumë-banesore të destinuara për banim social.

(Kosova Sot Online )