Lexoni edhe:
Paralajmëron Gashi i LDK-së: Në seancën e parë të sesionit vjeshtor Komision Hetimor Parlamentar për rezervën shtetërore
Gjykata Speciale përfundon pushimet, rikthehet gjykimi ndaj Thaçit dhe të tjerëve dhe konfirmohen datat
Pas pushimeve të verës, javën e ardhshme, do të rifillojë gjykimi në rastin e Hashim Thaçit, Kadri Veselit, Jakup Krasniqit e Rexhep Selimit. Në Hagë, pritet të vazhdojnë dëshmitë e dëshmitarëve të radhës, transmeton "Kosova Sot Online".
Gjykimi ndaj Thaçit dhe të tjerëve sipas kalendarit parashihet të mbahet nga data 14,15,16 dhe 17 gusht duke vazhduar tutje nga 28, 29 dhe 30 gusht.
Gjykimi ndaj katërshes së UÇK-së nisi më 3 prill 2023, pas më shumë se dy vitesh zvarritje. Thaçi, Veseli, Krasniqi dhe Selimi po qëndrojnë në paraburgim në Hagë, prej nëntorit të vitit 2020.
Ata akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte çnjerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme. Ata janë deklaruar se janë të pafajshëm për akuzat e ngritura ndaj tyre. Deri më tani ndaj Thaçit dhe të tjerëve kanë dëshmuar 15 dëshmitare.
(Kosova Sot Online )
