Islami: Në Shqipëri ishin arrestuar Adem Jashari, Hashim Thaçi e Zahir Pajaziti

Ish-kryetari i Lidhjes Popullore të Kosovës, Bedri Islami, ka thënë se Adem Jashari, Hashim Thaçi e Zahir Pajaziti ishin arrestuar në Shqipëri, përcjell "Kosova Sot Online".

Sipas tij, për shkak të armëmbajtjes, ishin arrestuar në raste të ndara Adem Jashari, Hashim Thaçi e Zahir Pajaziti.

Adem Jashari sipas tij ishte mbajtur në burg vetëm dy orë dhe se nuk ishte mbajtur më gjatë.

“E gjithë rruga e Zahir Pajazitit në Tiranë ka qenë nën vëzhgim, dhe nuk ka qenë e bërë nga strukturat e Shqipërisë, ka qenë nga strukturat e ardura në Shqipëri që bashkëpunonte me një pjesë që quhej dega e Kosovës në shërbimin informativ të Shqipërisë. Jo vetëm Zahiri, por ai ka qenë më i njohuri, sepse kishin ardhë informacionet se Zahir Pajaziti drejtonte grupin e Llapit. Ai kishte qenë njëherë i arrestuar në Shqipëri, ishte deportu në Jugosllavi, po ashtu me armë ishte zënë edhe Thaci ishte burgos, ishte zënë edhe Ademi edhe ai ishte burgos, ishte mbajt dy orë s’ishte mbajt gjatë”, tha ai.

(Kosova Sot Online)