Përleshen disa persona në një kafiteri në Vitomiricë të Pejës, njëri lëndohet rëndë

Një përleshje mes shtatë personave ka ndodhur mbrëmë në fshatin Vitomericë në Pejë, ku si pasojë e përleshjes një person ka pësuar lëndime të rënda,përcjell “Kosova Sot Online”.

Personi në fjalë është duke marrur trajtim mjekësor në spital.

Në këtë përleshje kanë qenë të përfshirë 7 persona.

Lajmin e ka konfirmuar zëdhënësi i policisë për rajonin e Pejës, Fadil Gashi.

“Mbrëmë rreth orës 23:30 policia është njoftuar se në fshatin Vitomericë, në një kafiteri ka ndodhur një përleshje. Policia menjëherë ka dalur në vendin e ngjarjes. Në këtë përleshje kanë qenë të përfshirë 7 persona, ku njëri prej tyre ka pësuar lëndime të rënda dhe është duke u trajtuar në spitalin rajonal në repartin e kirurgjisë”, tha ai.

(Kosova Sot Online)