Zbulohet çmimi marramendës me të cilin shitet në ankand bluza e Princeshës Diana

Bluza e Princeshës Diana shitet në ankand me çmim marramendës, transmeton "Kosova Sot Online ".

Sipas Sotheby’s, bluza ikonike e kuqe, e veshur nga Princesha Diana menjëherë pas fejesës së saj me princin e atëhershëm Charles, me dizajne delesh të vogla me gëzof, u shit në ankand për 1.1 milion dollarë pas një periudhe ofertash të ndryshme.

Bluza “Black Sheep” u bë një nga artikujt më emblematikë të veshjeve të Dianës, e cila në prapa duket se parashikon udhëtimin e saj të trazuar si anëtare e familjes mbretërore britanike.

689273

Veshja mori 1.1 milion dollarë, që përfshin tarifat dhe komisionet, pas një beteje të ashpër nga ofertuesit e internetit. U shit dhjetë herë më shtrenjtë, se vlerësimi fillestar i Sotheby nga 50 mijë deri në 80 mijë dollarë. 

Për shkak të një orteku ofertash, shtëpia e ankandeve e zgjati shitjen për disa minuta, me çmimin që u hodh në mënyrë astronomike nga 190,000 dollarë në 1.1 milion dollarë në 15 minutat e fundit.

Sipas Sotheby’s, është çmimi më i lartë i paguar ndonjëherë në ankand për një veshje që i përket Princeshës Diana.

(Kosova Sot Online )