Lexoni edhe:
Policia e Kosovës në mënyrë shembullore e kaloi provimin në përballjen më të rëndë me krimin-terrorizmin serb
Kongresisti amerikan Torres: Serbia t’i tërheq trupat nga kufiri, po përshkallëzon tensionet
Kongresisti amerikan Ritchie Torres, ka reaguar ndaj dislokimit të madh të trupave të Serbisë përgjatë kufirit me Kosovën, transmeton "Kosova Sot Online".
Torres në një postim në X shkruan se është i alarmuar me këtë dislokim të madh dhe të sofistikuar të forcave serbe, ndërkaq ka kërkuar nga Serbia t’i tërheqë trupat.
“Si një përkrahës dhe aleat krenar dhe i palëkundur i Republikës së Kosovës, jam gjithnjë e më i alarmuar nga raportimet për një dislokim të madh dhe të sofistikuar të forcave serbe përgjatë kufirit Serbi-Kosovë”, shkruan ai.
Sipas tij, ky është një vazhdim i hapur i cenimit nga Serbia kundër Kosovës që po përshkallëzon tensionet në mënyrë të panevojshme për një kohë të gjatë.
SHBA i kërkon Serbisë të tërheqë trupat ushtarake nga kufiri me Kosovën
“Unë i mbështes thirrjet e administratës së Bidenit që Serbia të tërheqë menjëherë këto forca. Serbia duhet të de-përshkallëzojë situatën, të kërkojë llogari nga përgjegjësit për sulmet e dhunshme të fundit dhe të respektojë pavarësinë e Kosovës si një komb sovran”, shkruan ai.
(Kosova Sot Online )
