![Në këtë vend cigaret elektronike mund të blihen vetëm në farmaci](/uploads/kosova-sot/images/2022/October/28/200x200_Cigaret-elektronike1666940523.jpg)
Ja tri vendimet që Qeveria i mori në mbledhjen e sotme
![Ja tri vendimet që Qeveria i mori në mbledhjen e sotme](/uploads/kosova-sot/images/2023/January/25/auto_qeveria-kurti-2-600x3601674646568.jpg)
Qeveria Kurti, sot ka mbajtur një mbledhje online, në të cilën janë marrë tri vendime, transmeton gazeta “Kosova Sot Online”.
Siç njoftoi Zyra e Kryeministrit, vendimi i parë ka të bëjë me emërimin e Arton Ahmetit në pozitën e kryesuesit të bordit të Korporatës Energjetike të Kosovës dhe emërimin e Skender Hazirit në pozitën e anëtarit në kët bort.
“Qeveria e Republikës së Kosovës ka zhvilluar një mbledhje elektronike në të cilën ka: Ndryshuar dhe plotësuar Vendimin e Qeverisë Nr. 02/58 të datës 2 shkurt 2022, për emërimin e bordit të Ndërmarrjes Publike Qendrore “Korporata Energjetike e Kosovës” si në vijim: 1.1. Arton Ahmeti, Kryesues; 1.3. Skender Haziri, anëtar. Pikat e tjera të Vendimit Nr.02/58 mbesin të pandryshuara”, u tha në njoftim
Qeveria gjithashtu ka miratuar “vendimin për shpronësim të pronave të paluajtshme të cilat preken nga realizimi i Projektit: Zgjerimi i Rrugës Rajonale, R 115 Prizren Prevallë”.
Miratimin e anëtarëve të Ekzekutivit e ka marrë edhe vendimi “për shpronësim të pronave të paluajtshme të cilat preken nga realizimi i Projektit: ‘’Zgjerimi i Rrugës Rajonale, R 115 Doganaj-Shtërpcë’’ Zonat Kadastrale: Viqë dhe Drekoc, Komuna Shtërpcë”.
(Kosova Sot Online)