Lexoni edhe:
Presidenti gjerman bisedon me hebrenj dhe myslimanë
PDK e dërgon në Gjykatë Kushtetuese edhe Projektligjin për Investime të Qëndrueshme
Partia Demokratike e Kosovës (PDK), e ka dërguar në Gjykatën Kushtetuese Projektligjin për Investime të Qëndrueshme. Lajmin e ka konfirmuar ushtruesi i detyrës së sekretarit të Kuvendit, Arben Loshi, transmeton "Kosova Sot Online".
Po ashtu, deputeti nga Grupi Parlamentar i PDK-së, Ferat Shala, ka konfirmuar për “Betimi për Drejtësi” se i mbështetur edhe nga deputetë të tjerë të PDK-së, dërguan këtë Ligj në Gjykatën Kushtetuese.
Ndryshe, më 19 tetor 2023, Kuvendi i Kosovës e miratoi në lexim të dytë Projektligjin për Investime të Qëndrueshme.
Afati për dorëzimin e kërkesës në Kushtetuese, sipas Nenit 113.5 të Kushtetutës së Kosovës, parashtrohet brenda një afati prej tetë ditësh nga dita e miratimit të ligjit ose vendimit të caktuar.
Sipat Ligjit për Gjykatën Kushtetuese, projektligji nuk procedohet nga ana e Kuvendit për shpallje tek Presidentja e Republikës së Kosovës derisa për të nuk ka vendim përfundimtar nga ana e Gjykatës.
(Kosova Sot Online )
