![Dy vajza arrestohen pasi tentuan të fusin marihuanë në Dubravë](/uploads/kosova-sot/images/2023/September/12/200x200_auto_burgu-dubraves-1-657x350_1546871068-688492015468713221694511793.jpg)
Lajçak pas Petkoviqit në takim me Bislimin, teston se a ka vullnet për takim trepalësh
![Lajçak pas Petkoviqit në takim me Bislimin, teston se a ka vullnet për takim trepalësh](/uploads/kosova-sot/images/2023/November/16/auto_lajcak-600x3601700136919.jpg)
Kryenegociatorët e Kosovës dhe Serbisë kanë nisur të enjten takime në Bruksel për të diskutuar zbatimin e marrëveshjeve paraprake, të arritura mes dy vendeve.
I dërguari i Bashkimit Evropian për dialogun mes dy vendeve, Mirosllav Lajçak, është takuar fillimisht me kryenegociatorin e Serbisë, Petar Petkoviq, njëherësh shef i Zyrës për Kosovën në Qeverinë e Serbisë.
Aktualisht, Lajçak është duke zhvilluar takime me krynegociatorin e Kosovës, Besnik Bislimin, zëvendëskryeministër i Kosovës, shkruan REL.
Më pas, nëse do të ketë vullnet nga palët, mund të ketë edhe takim trepalësh.
Bislimi ka thënë të mërkurën se takimi i 16 nëntorit është vazhdimësi e takimit të zhvilluar më 26 tetor me liderët e Gjermanisë, Francës, Italisë dhe bllokut evropian.
Petkoviq ka thënë ditë më parë se në Bruksel do të niset me një “ekip ekspertësh”.
(Kosova Sot Online)