Vjen reagimi nga Joe Biden
Izraeli dhe Hamasi kanë arritur ditë më parë një marrëveshje për lirimin e pengjeve, transmeton gazeta "Kosova Sot Online".
Te dyja palët tashmë kanë përmbushur një pjesë të marrëveshjes, duke liruar dhjetëra pengje.
Tashmë ka reaguar edhe presidenti amerikan, Joe Biden, i cili ka pohuar se “’Teddy Bears’ që po i presin fëmijët në spital është një kujtesë e thellë e traumës që ata e kanë kaluar në moshë kaq të re”.
“Lirimet e sotme janë fillimi i një procesi. Ne presim që nesër të lirohen më shumë pengje. Besoj se brenda disa orëve të ardhshme do të dimë më shumë për valën e dytë të lirimeve. Shanset janë reale” që ndërprerja e luftës mund të zgjatet për disa ditë, thotë ai.
“Zgjatja e armëpushimit ofron një mundësi për të sjellë më shumë ndihma në Gazë”, thotë Biden.
Lideri amerikan thotë se mbi 200 kamionë arritën në Egjipt në pikën e kalimit për në Gazë.
“Ne duhet të mbyllim këtë cikël dhune në Lindjen e Mesme”, thotë presidenti amerikan, duke bërë sërish thirrje për një zgjidhje me dy shtete.
Ndryshe, Izraeli dhe Hamasi kanë arritur edhe një marrëveshje për armëpushim disa ditor.
(Kosova Sot Online)
