Lexoni edhe:
Meshë në Ditën e Krishtlindjes në Katedralen “Shën Nënë Tereza”, lutjet shkojnë për paqe në botë
Deputeti i LVV-së publikon videon: Vuçiq njihet personalisht me kokat e grupit terrorist që sulmoi më 24 shtator
Deputeti i Lëvizjes Vetëvendosje, Adnan Rrustemi ka publikuar një video nga një takim i presidentit serb, Aleksandar Vuçiq me disa serbë nga Kosova. Ndër ta, Rrustemi thotë se pjesëmarrës ishte edhe Vladimir Radojeviq, i njohur me nofkën “Mami”, që ishte pjesë e grupit terrorist që e sulmoi Policinë e Kosovës më 24 shtator, transmeton "Kosova Sot Online".
“Vuçiq njihet personalisht me kokat e grupit terrorist që kreu sulmin e 24 shtatorit në Banjskë”, shkruan Rrustemi.
“Me 13 tetor 2021, disa serbë kishin shkruar t’i rrefehesin Vuçiqit për kinse terrorin që Qeveria e Kosovës po i bënte atyre. Ndër ta që u rrëfyen ishte edhe Vladimir Radojevic i njohur me nofkën “Mami’’”, shkroi deputeti.
Në videon e publikuar, Rrustemi përshkruan se si “pasi flet ‘’Mami’’ (personi me flokë të gjata) flet një tjetër person, atij Vuçiq i kërkon të prezentohet”. “Atë (Mamin) e njoh, ndërkaq këtë jo, thotë Vuçiq. Çka tregon se ai ka lidhje direkte e personale me këta individë”, shkruan Rrustemi.
“‘’Mami’’ përveçse i njohur gjatë gjithë këtyre viteve për luftimin që i ka bërë rendit juridik dhe kushtetues në veri, në sulmin terrorist në Banjskë i është gjetur telefoni i tij mu në vendin ku është ekzekutuar shpërthimi i minës që la të vdekur heroin, policin e Kosovës, Afrim Bunjaku”, shkruan deputeti i LVV-së.
(Kosova Sot Online )
