Deputeti i VV-së: Asociacioni duhet të dizajnohet nga Qeveria

Deputeti i VV-së, Mefail Bajqinovci, lidhur me themelimin e Asociacionit të komunave me shumicë serbe në Kosovë, ka thënë se mendon se është më mirë të dizajnohet nga Qeveria e Kosovës, përcjell “Kosova Sot Online”.

“Unë mendoj që më së miri do të ishte që të dizajnohet nga vendorët në këtë rast nga Qeveria e Kosovës dhe jo të sillet Asociacion apo diçka tjetër e cila mund të prek ndoshta edhe pjesë të tjera të Kushtetutës së Kosovës siç ka pasur edhe më herët”, ka deklaruar Bajqinofci.

Ai nuk ka pohuar se është kundër draftit të propozuar nga evropianët, por ka theksuar se është për një dizajnim të Asociacionit në bazë të Kushtetutës së Kosovës.

“Jo nuk e thash këtë, por me vet faktin që Brukseli thotë se është çështja e juaja, është çështje e brendshme e Kosovës Asociacioni, atëherë të na lejohet që ne ta bëjmë vetë. Unë po flas atë që e kemi dëgjuar nga Brukseli, sepse Brukseli nuk po është i gatshëm ta detyrojë Serbinë t’i nënshkruar komplet dokumentin të cilin e kemi parë. Në rast se Asociacioni qenka problem i brendshëm atëherë t’i lejohet Qeverisë të Kosovës ta dizajnojë vetë”, ka deklaruar Bajqinovci.

(Kosova Sot Online)