Lexoni edhe:
Klopp zbulon detaje, flet për lëndimin serioz të Mohamed Salah
Shteti largon billbordet ilegale me simbole dhe imazhe të diktatorëve e agresorëve serb në Zveçan
Janë larguar billbordet ilegale me simbole dhe imazhe të diktatorëve e agresorëve serb që ishin vendosur në Zveçan. Lajmi është bërë i ditur nga ana e Ministrit të Punëve të Brendshme, Xhelal Sveçla përmes një postimi në rrjetin social në Facebook, transmeton "Kosova Sot Online ".
Lidhur me këtë rast Sveçla u shpreh se Simboli i vetëm i Serbisë brenda shtetit tonë do të jetë ambasada e saj në Prishtinë.
Postimi i plotë:
Simboli i vetëm i Serbisë brenda shtetit tonë do të jetë ambasada e saj në Prishtinë. Sot në Zveçan janë larguar billbordet ilegale me simbole dhe imazhe të diktatorëve e agresorëve të cilat janë të papranueshme në Republikën e Kosovës. Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë. Këto billborde e imazhe të fashistëve e agresorëve si Vladimir Putin dhe kundërshtarëve të shtetit tonë, nuk do të gjejnë vend në shtetin tonë.
(Kosova Sot Online )
