Lexoni edhe:
Gazetari serb kundër Vuçiqit: Si mundet qeveria serbe të dënojë veten për vrasje?
Deputeti Armend Muja i reagon BE-së: Askush nuk po i hedh bezinë zjarrit
Deputeti i Lëvizjes Vetëvendosje, Armend Muja, ka thënë se derisa zbatimi i kushtetutshmërisë nëpërmjet mbylljes së strukturave paralele serbe po konsiderohet masë e njëanshme, Serbia s’ka asnjë masë për sulmin në Banjskë, transmeton "Kosova Sot Online".
Muja ka shkruar në Facebook se veprimi i Serbisë shkakton çekuilibrim të procesit të dialogut dhe i nxit grupet e dhunshme të veprojnë dhunshëm.
“Si mundet që mbyllja e komunave/strukturave paralele të Serbisë në Kosovë dhe zbatimi i kushtetushtmërisë të Kosovës të konsiderohet masë e njëanshme e Kosovës nga Bashkimi Evropian dhe aleatë tjerë. Askush nuk po i hedh benzinë zjarrit. Por disa deklarata të partnerëve tanë mund të përdoren për fertilizim të tokës për tensione nga Serbia përmes grupeve kriminale. Dhe në të njëjtën kohë dekurajojnë integrimin e mëtejmë të qytetarëve serb në Kosovë”, ka shkruar Muja.
Reagimi i tij vjen pasi Bashkimi Evropian e ka quajtur veprim të njëanshëm të Kosovës mbylljen e disa zyrave paralele serbe që operonin në disa komuna të Kosovës.
(Kosova Sot Online )
