Camilla tregon si është gjendja shëndetësore e mbretit Charles III
Mbreti Charles III i Britanisë është në gjendje të mirë, pasi filloi trajtimin e kancerit, njoftoi Mbretëresha Camilla, transmeton gazeta “Kosova Sot Online”.
“Ai ka qenë shumë i prekur nga të gjitha letrat dhe mesazhet e mbështetjes nga të gjitha anët,” tha Camilla në një koncert muzikor për të nderuar punën e bamirësisë lokale në Katedralen Salisbury në Wiltshire.
Buckingham Palace njoftoi të hënën se Mbreti Karli III është diagnostikuar me “një lloj kanceri”, i cili u zbulua ndërsa monarku britanik po trajtohej nga prostata muajin e kaluar.
Lloji i kancerit u zbulua dhe një ditë pas diagnozës, mbreti u largua nga rezidenca Clarence me gruan e tij Camilla, mbërriti në Pallatin Buckingham me helikopter dhe më pas fluturoi në drejtim të Sandringham në Norfolk, rezidenca mbretërore në veriperëndim të Londrës, raporton BBC.
Nuk dihet ende se çfarë lloj kanceri është, por mbreti filloi “trajtimet e rregullta” të hënën, thuhet në deklaratë.
Mbreti është tërhequr nga të gjitha detyrat publike ndërsa po trajtohet, tha pallati.
Anëtarë të lartë të familjes mbretërore, duke përfshirë Mbretëreshën dhe Princin e Uellsit, do të marrin përsipër disa nga detyrat e tij.
(Kosova Sot Online)
