Lajçak tregon edhe në X për takimin me Bislimin: U pajtuam t’i vazhdojmë diskutimet

Emisari i BE-së, Miroslav Lajçak, tregoi se me kryenegociatorin Besnik Bislimi sot në Prishtinë janë dakorduar që të vazhdojnë diskutimin, por nga Qeveria nuk janë deklaruar ende rreth këtij takimi të zhvilluar nga Lajçak, përcjell “Kosova Sot Online”.

Ai tha se në takim u fol për nevojën e “zbatimit pa vonesë” të marrëveshjes së fundit Kosovë-Serbi dhe tha se kanë rënë dakord që të vazhdojnë diskutimin shumë shpejt.

“[Isha] në Kosovë për një diskutim të rëndësishëm dhe të detajuar mbi dialogun me zëvendëskryeministrin e parë Besnik Bislimi. U theksua nevoja për zbatimin pa vonesë të Marrëveshjes për Rrugën e Normalizimit dhe u adresuan çështjet urgjente që prekin dialogun. Ramë dakord të vazhdojmë diskutimin tonë së shpejti”, ka shkruar Lajçak në X.

(Kosova Sot Online)