Lexoni edhe:
Gjyqtarët spanjollë nuk i besojnë Bellinghamit, e kanë futur në ‘listën e zezë’
Sekretari britanik i mbrojtjes në Kiev për të ‘ngritur alarmin’ derisa raportohen tre të vrarë në Kharkiv
Në një video të postuar nga Ukraina, sekretari britanik i mbrojtjes, Grant Shapps, tha se po qëndron në kryeqytetin ukrainas “për të ngritur alarmin”.
“Çfarë do të thotë, nëse lejojmë që një vend demokratik të pushtohet nga një diktator si Putin? Çfarë do të thoshte për vlerat tona të lirisë dhe demokracisë? Dhe nuk duhet të jetë në këtë mënyrë. Sepse ne i kemi lehtësisht burimet e perëndimit, nëse kemi vullnet. Pra, mesazhi është i thjeshtë: kjo është një thirrje zgjimi për botën. Le të sigurohemi që Ukraina ta fitojë këtë luftë”, ka thënë ai.
Ndërkaq, Oleg Sinegubov, kreu i administratës ushtarake rajonale të Kharkiv, tha këtë mëngjes se tre persona janë vrarë në rajon.
“Rreth 18 vendbanime në rajonin e Kharkivit u goditën nga sulmet e artilerisë ruse”, shkroi ai në një postim në rrjetet sociale, duke shtuar se një grua 64-vjeçare, një burrë 58-vjeçar dhe një grua 40-vjeçare vdiqën, shkruan The Guardian.
(Kosova Sot Online )
