![Berisha - Kurtit: Dy rrugë i ke, bone shumicën dhe krijo qeverinë, ose dil në opozitë](/uploads/kosova-sot/images/2023/April/07/200x200_beke-berisha1680872298.jpg)
Sveçla: Po punojmë që secila grua të jetoj e veproj e sigurt në vendin tonë
![Sveçla: Po punojmë që secila grua të jetoj e veproj e sigurt në vendin tonë](/uploads/kosova-sot/images/2023/July/15/auto_Xhelal-Svecla-600x3601689418657.webp)
Ministri i Punëve të Brendshme, Xhelal Sveçla, në Ditën Ndërkombëtare të Gruas tha se si Ministri po punojnë që secila grua të jetojë e veprojë e sigurtë në vend, përcjell “Kosova Sot Online”.
Kurse, për vrasjet ndaj grave zotohet se do t’i mbajnë përgjegjës autorët.
Tutje, Sveçla tha se synimi i punës së tyre mbetet të ngrisin të gjithë mekanizmat që të garantojnë pjesëmarrje të grave dhe vajzave brenda sektorit publik.
Ministri i Brendshëm ka theksuar se sektorit të sigurisë i nevojiten edhe më shumë gra dhe vajza dhe kjo përbën prioritet për ta.
Postimi i plotë:
8 Marsi është data që na e përkujton përpjekjen e pareshtur për barazi e drejtësi. 8 Marsi është thirrje për bashkëveprim të pandalshëm që çdo vajzë e çdo grua të jetojë me dinjtet, e barabartë, e sigurtë dhe e mbrojtur.
Rezistenca dhe kontributi i vajzave dhe grave në historinë e popullit tonë mbetet shembulli më i mirë që secili prej nesh kemi para vetes.
Si Ministri e Punëve të Brendshme, jo vetëm sot por çdo ditë, po punojmë që secila grua të jetojë e veprojë e sigurtë në vendin tonë ashtu që edhe secili vrasës mizor i vajzave e grave të sillet me shpejtësi para drejtësisë e të marrë dënimin e merituar.
Duke njohur pabarazinë që ka rënduar ndër vite ndaj vajzave dhe grave në punësim, synim i punës sonë mbetet të ngrisim të gjithë mekanizmat që të garantojmë pjesëmarrje të grave dhe vajzave brenda sektorit publik.
Sektorit të sigurisë i nevojiten edhe më shumë gra dhe vajza dhe kjo përbën prioritetin tonë. Vajzat dhe gratë që janë çdo ditë në uniformë kanë dëshmuar se shërbimi për qytetarët e për Republikën nuk ka gjini.
Në këtë ditë të shënuar të 8 Marsit, shpreh mirënjohjen time të thellë për secilën vajzë e secilën grua që ka thyer çdo barrierë para saj. Para vetes kemi shumë sfida të cilat bashkëpunimi e bashkëveprimi si institucione e si shoqëri i tejkalon.
Gëzuar sot dhe çdo ditë, nuk do të reshtim së punuari për barazi e drejtësi, mirëqenie e siguri.
(Kosova Sot Online)