Hoxha shqiptar: Gruaja e parë është pajtuar me martesën e dytë pasi e njoha nga mosha 10-vjeçare

Për martesën e tij të dytë me një vajzë 23-vjeçare, ka folur hoxha Vesim Avdiu, transmeton gazeta “Kosova Sot Online”.

Ai ka thënë se vajza në fjalë është martuar me të me vet dëshirë dhe nuk është e mitur.

“Nuk ekziston ajo që po flitet se unë e kam marrë pa leje e pa kurorëzim. Vajzën e njoh që nga mosha 10-vjeçare pasi ka qenë nxënëse e imja më pas ka vazhduar studimet në Egjipt dhe është kthyer.  Më pas ka qenë edhe paciente e imja pasi e kam shëruar nga magjia”.

“Në momentin që ajo e ka marrë veten, kam shkuar te prindi i saj e kam kërkuar dorën dhe më ka dhënë leje”, ka thënë Avdiu.

Avdiu ka shtuar se ai është i martuar edhe më një grua tjetër për 19-vjet, ai ka shtuar se gruaja e tij e parë është dakord me martesën e tij të dytë. 

(Kosova Sot Online)