Nënshkruhet kontrata për ndërtimin e rrugës Prishtinë-Pejë

Ministri i Infrastrukturës, Liburn Aliu, ka njoftuar se është nënshkruar kontrata për fillimin e ndërtimit të rrugës Prishtinë – Pejë, segmenti Kijevë-Dollc, përcjell “Kosova Sot Online”.

Aliu tha se rruga do të jetë me katër korsi, e ndarë në katër llote dhe përshkon gjatësi prej 12.8 kilometra.

Tutje, Aliu tha se kjo rrugë do të ndikojë në jetën e mijëra banorëve dhe do të shërbejë si mundësi për zhvillim ekonomik të vendit.

“Tashmë janë nënshkruar kontratat për fillimin e ndërtimit të Rrugës Prishtinë-Pejë, segmenti Kijevë-Dollc. Rruga është me katër korsi, e ndarë në 4 llote, dhe përshkon gjatësi totale prej 12.8 km, rrugë e cila do të ndikojë drejtpërdrejt në jetën e mijëra banorëve dhe do të shërbejë si mundësi për zhvillim ekonomik të vendit”, ka shkruar Aliu në Facebook.

(Kosova Sot Online)