Abdixhiku për tenderët njëburimorë: Prokuroria Speciale duhet ta bëjë punën e vet

Kryetari i LDK’së, Lumir Abdixhiku, ka thënë se një kompani ka marrë tender sekret 13 herë, transmeton “Kosova Sot Online”.

Ai ka thënë se në Ministrinë e Punëve të Brenshme është nënshkruar tenderi pa procedurë në vlerë prej 15 milionë eurosh.

Abdixhiku ka shtuar se Prokuroria Speciale duhet të bëjë punën e vet.

Tutje, Abdixhiku tha se mosveprimi i Prokurorisë Speciale është aprovim i kësaj praktike.

“Në MPB 15 milionë euro për shërbime të IT’së e tani këtu bëhet e çuditshme dhe evidente, kur procedura ka qenë e hapur kur ka pasë garë kanë konkurruar kompani, çmimi përfundimtar ka qenë 9.5 milionë euro kanë ardhur në pushtet kanë mbyllur tenderë, janë ulur kanë bërë negociim dhe është nënshkruar marrëveshja drejtëpërdrejtë, pa procedurë, 15 milionë euro. Prokuroria Speciale duhet të bëjë punën e vet, këtë listë e ka, jemi të gatshëm të jemi dëshmitarë e dorëzues te secili tender veç e veç, siç e kemi marrë. Mosveprimi i Prokurorisë Speciale është aprovim i kësaj praktike”, tha Abdixhiku.

(Kosova Sot Online)