Dalin fotografitë e veturës së djegur të policit në pjesën veriore të Mitrovicës

Vetura e një polici hetues të Policisë së Kosovës, i nacionalitetit serb, është djegur në Mitrovicën e Veriut, transmeton "Kosova Sot Online ".

Zëvendësdrejtori i Policisë së Kosovës për rajonin e veriut, Veton Elshani i tha se ngjarja ka ndodhur sot rreth orës 05:00.

Lexoni edhe:

Afera “Subvencionet 1”, dëshmitari bashkëpunues rrëfen se ia dha të akuzuarit 3 mijë euro ryshfet

Nuk u raportua për dëme të tjera përveçse vetura “Dacia” me targa serbe u dogj tërësisht. Ajo ishte pronë e një polici hetues serb.

Njësitet e zjarrfikësve dolën menjëherë në vendin e ngjarjes.

Elshani thotë se Policia po punon për t’i zbuluar rrethanat e kësaj ngjarjeje.

Mediumi në gjuhën serbe “KoSSev” ka publikuar fotografitë nga vendi i ngjarjes.

1 / 1

(Kosov Sot Online )