Lexoni edhe:
Serbia dërgon amandament kundër anëtarësimit të Kosovës në KiE
Gjenerali Amerikan për Europë zbulon detajet e planit për tensionet në Ballkanin Perëndimor: Kemi ndërmarr mision ajror zbulimi dhe vëzhgimi
Javën që lamë pas, Kreu i Komandës amerikane në Europë, Gjeneral Christopher Cavoli, ka dëshmuar para Senatit amerikan për situatën në Ballkanin Perëndimor, i cili është pyetur rreth tensioneve në këtë rajon dhe se çfarë është ndërmarrë nga SHBA’të dhe BE’ja në kuadër të KFOR’it.
Ai tha se për çështjen e sigurisë në Ballkanin Perëndimor kanë bërë një rishikim të planit operativ të KFOR’it, dhe kanë vërejtur se kanë nevojë më shumë për forca të armatosura dhe armatim, transmeton "Kosova Sot Online ".
Ndërsa shtoi se Franca ka vendosur anijen luftarake “Charles de Gaulle” në Adriatik.
“Kemi bërë një rishikim të plotë të planit operativ të KFOR’it në veçanti, dhe ai zbuloi se kemi nevojë jo vetëm për më shumë forca por na duhet armatim. Jemi në proces e sipër që t’i sigurojmë ato. Franca ka vendosur anijen luftarake “Charles de Gaulle” në Adriatik, dhe së fundi ka dërguar një batalion operacioni për një afat të mesëm. Pra i kanë shtuar forcat”, tha Gjenerali Christopher Cavoli.
Ai tutje theksoi se duke pas parasysh që tensionet janë më të larta, është i kënaqu me pozitën që e kanë në këtë rajon në këto momente.
Ndërsa tha se kanë ndërmarrë të paktën dy misione për të mbledhur informacione të zbulimit dhe të analizës se çfarë po ndodh në Kosovë dhe Serbi, dhe se ka mbështetur këtë angazhim me mision ajror zbulimi dhe vëzhgimi.
“Është në veçanti e rëndësishme në këtë moment pasi tensionet janë më të larta, jam i kënaqur me pozitën e mirë që kemi në këto momente. Por është gjithnjë e nevojshme ta vëzhgojmë me shumë kujdes. I ndërmorëm të paktën dy misione për të shtuar mbledhje ne informacionit të zbulimit dhe të analizës se çfarë po ndodh në këto dy vende [Kosovë dhe Serbi]. Unë kam mbështetur këtë angazhim nga komanda ushtarake amerikane në Europë me mision ajror zbulimi dhe vëzhgimi”, ka thënë ai tutje.
(Kosova Sot Online )
