Sveçla: Mbetjet kriminale të Milan Radojçiqit po i ç’rrënjosim

Ministri i Punëve të Brendshme, Xhelal Sveçla, ka deklaruar se se “mbetjet kriminale të Milan Radojçiqit po i ç’rrënjosim nga veriu i vendit tonë”, transmeton gazeta "Kosova Sot Online".

Sveçla ka shkruar se është e qartë kush qëndron mbrapa kësaj veprimtarie, derisa ka shtuar se sulmuesit e Banjskës po strehohen në Serbi e mbrohen dhe glorifikohen nga Aleksandër Vuçiq.

“Është e qartë kush qëndron prapa kësaj veprimtarie si edhe pas depove të tjera të armatimit, sulmeve ndaj zyrtarëve tanë, pjesëtarëve të KFOR, gazetarëve e qytetarëve. Të njejtit e sulmit të Banjskës, të cilët strehohen në Serbi e mbrohen dhe glorifikohen nga Aleksandër Vuçiq.”

(Kosova Sot Online)