Lexoni edhe:
Akuzohet për shmangie nga tatimi, Sinan Vllasaliu: Nuk ndihem fajtor, çdo gjë që ju kam shmangë është shume e paqëllimshme
Në diten e fundit, disa komuna po kërkojnë kohë shtesë për regjistrimin e popullsisë
Këtë të premte pritet të përfundojë regjistrimi i popullsisë së Kosovës, banesave dhe ekonomive familjare.
Procesi i regjistrimit të popullsisë ka nisur më 5 prill të këtij viti, por që deri më tani, zyrtarisht tri komuna kanë kërkuar që data e përfundimit të mos jetë 17 maji, transmeton "Kosova Sot Online ".
Komunat që kanë kërkuar kohë shtesë për regjistrimin e popullsisë janë Dragashi, Drenasi dhe Fushë Kosova.
Nga krerët e shtetit, procesi i regjistrimit të popullsisë është cilësuar si më i rëndësishmi për bërjen e politikave për dekadën e ardhshme.
Gjatë këtij procesi të regjistrimit të popullsisë, banesave dhe ekonomive familjare, Agjencia e Statistikave të Kosovës e ka pasur edhe një pyetësor për dëmet e luftës.
Para tri ditëve, kryeministri i vendit, Albin Kurti, pati lajmëruar se deri më 14 maj janë regjistruar mbi 1 milion e 420 mijë qytetarë rezident.
(Kosova Sot Online )
