Franca e shqetësuar pas veprimeve në Veri
Franca ka reaguar lidhur me veprimet e fundit të Policisë së Kosovës në Veri të Kosovës, përcjell “Kosova Sot Online”.
Parisi në një komunikatë për media ka bërë të ditur se janë të shqetësuar për veprimet e fundit që çuan në mbylljen e zyrave të bankave postare serbe në Veri të Kosovës.
Sipas Ministrisë së Punëve të Jashtme të Francës “këto veprime të reja të njëanshme kontribuojnë në përshkallëzimin e tensioneve dhe rrezikojnë diskutimet e vazhdueshme, nën patronazhin e Bashkimit Evropian, që synojnë gjetjen e një zgjidhjeje të përkohshme për personat e prekur nga zbatimi i rregullores së Bankës Qendrore të Kosovës”.
“Franca u bën thirrje autoriteteve kosovare që të përmbahen nga çdo veprim i mëtejshëm i njëanshëm. Inkurajon të dyja palët të kthehen në tryezën e negociatave dhe të punojnë në propozimin e fundit të kompromisit të paraqitur nga ndërmjetësimi evropian, e vetmja bazë realiste për arritjen e një marrëveshjeje që lejon përfituesit e kualifikuar të marrin transferta financiare nga Serbia”, përfundon njoftimi.
#Kosovo | La France est préoccupée par les récentes opérations de la police kosovare ayant entraîné la fermeture des bureaux des banques postales serbes dans le nord du Kosovo.
— France Diplomatie🇫🇷🇪🇺 (@francediplo) May 22, 2024
Déclaration intégrale ➡️ https://t.co/SNfElzp2dN pic.twitter.com/KidbjvrKTB
(Kosova Sot Online)
