Lexoni edhe:
Glauk Konjufca shuan shpresat për zgjedhje të jashtëzakonshme : Mendoj se ditët e fundit goxha shumë janë zvogëluar shanset për shpërndarjen e kuvendit
Serbia amniston kriminelët e luftës: Nga 17 persona që po e vuajnë dënimin vetëm njëri e ka pranuar fajin
Se Serbia i mbron të akuzuarit per krime lufte dhe kriminelët e luftës duhet botërisht. Këtë më së miri e dëshmon një raport që sot u publikua në Beograd, transmeton "Kosova Sot Online ".
Avokatja e Fondit për të Drejtën Humanitare (HHL), Marina Kljajiq, tha sot në Beograd se gjatë vitit të kaluar, Prokuroria e Krimeve të Luftës ka pasur 27 procedura, pesë prej të cilave përfunduan me vendimin e Gjykatës së Apelit, një përfundoi me pranim të fajit, ndërsa 21 çështje endejanë në pritje.
Kljajiq tha në një konferencë për shtyp në Qendrën Mediale se 17 persona në Serbi po vuajnë dënimin për krime lufte dhe se një është në arrati.
Ajo theksoi se raporti i FDH-së për vitin 2023 vlerëson se puna e Prokurorisë për Krime Lufte është “joefikase” për shkak të “zvarritjes së panevojshme të procedurave dhe mungesës së zbatimit të strategjisë së rishikuar prokuroriale”.
Kljajiq tha se në vitin 2023, Prokuroria e Krimeve të Luftës ngriti tre aktakuza kundër shtatë personave, nga të cilat, tha ajo, “një aktakuzë ishte transferuar nga Bosnja dhe Hercegovina, dhe dy të tjerat ishin rezultat i hetimit të tyre”.
Ajo theksoi se aktakuza e transferuar nga Bosnja dhe Hercegovina është ngritur kundër pesë personave dhe se Prokuroria e Krimeve të Luftës ka ngritur dy aktakuza të pavarura, me nga një të akuzuar, dhe se asnjëra nga ato aktakuza nuk është proceduar vitin e kaluar, por këtë vit njëra nga konfirmuan dhe se gjykimi do të fillojë.
“Rezultatet e tilla të Prokurorisë për Krime Lufte flasin për neglizhencë të madhe”, tha Kljajiq.
Ajo shtoi se në shtatë vitet e kaluara janë ngritur 39 aktakuza për krime lufte, nga të cilat 23 janë transferuar nga BeH, ndërsa 16 aktakuza janë ngritur nga Prokuroria e Krimeve të Luftës.
“59 për qind e rasteve janë pranuar, dhe aktakuzat janë bartur vetëm për shkak se të akuzuarit nuk ishin në dispozicion të autoriteteve gjyqësore. Mesatarisht, 2.3 aktakuza janë ngritur në vit si rezultat i punës së pavarur të Prokurorisë për Krime Lufte”, tha Kljajiq.
Ajo shtoi se prokuroria “anonimizon” emrat e të akuzuarve për krime lufte, si dhe emrat e viktimave, ndonëse, theksoi ajo, “është në interesin e publikut të këtij vendi të dinë se cilët persona janë akuzuar për krimet e luftës”.
Përfaqësuesi i Shoqatës së Prokurorëve të Serbisë, Radovan Laziq, tha se “raporti është kritik, por jo objektiv”, si dhe se “puna e Prokurorisë së Krimeve të Luftës shkon nën radar dhe publiku është gjithnjë e më pak i interesuar”.
“Është e vështirë të mos pajtohesh me shumicën e pretendimeve në raport, madje edhe atë më të përgjithshmen, që është se puna e Prokurorisë për Krime Lufte është në mënyrë të papranueshme joefektive”, tha Laziq.
Nënkryetarja e delegacionit të Bashkimit Evropian në Serbi, Plamena Halaçeva, tha se “drejtësia duhet të sigurohet për viktimat” dhe familjet e tyre, si dhe se pajtimi rajonal nuk është i mundur pa progres në këto fusha.
(Kosova Sot Online )
