Besnik Tahiri: Amatorizëm sugjerimi i Kurtit që drafti i Asociacionit të dërgohet në Komisionin e Venecias

Shefi i grupit parlamentar të AAK-së, Besnik Tahiri, e ka quajtur amatorizëm sugjerimin e kryeministrit të Kosovës, Albin Kurti që drafti i Asociacionit të dërgohet në Komisionin e Venecias, përcjell “Kosova Sot Online”.

“Kryeministri Kurti në kërkim të një rrugëdalje nga qorrsokaku ku ka hyrë vetë dhe ku e ka futur Kosovën me temën e draftit të Asociacionit, me pasoja lënien e vendit në paradhomë të pritjes për anëtarësim në KiE, po kërkon që BE dhe Lajçak të shërbejnë si zëdhënës të qeverisë së tij, duke sugjeruar që ata mund ta qojnë draftin në Komisionin e Venecias. Ky është amaterizëm dhe mashtrim klasik”, ka shkruar mes tjerash në Facebook ai.

(Kosova Sot Online)