Ideja e Kurtit që Lajcak ta çoj Draftin në Venecia, Osmani: Kurdo që prezantohet një ide e tillë e shqyrtoj

Presidentja e Kosovës, Vjosa Osmani, është pyetur edhe rreth propozimit të kryeministrit  të Kosovës, Albin Kurti, që emisari sllovak, Miroslav Lajcak, duhet ta dërgojë në Komision të Venecias Draftin e BE për Asociacionin, transmeton "Kosova Sot Online".

Osmani ka thënë se për një ide të tillë të Kurtit ende s’është e njoftuar formalisht por tha se do ta shqyrtoj.

“Nuk kam parë një ide të tillë formalisht. Kur prezantohet tek Presidentja, e shqyrtoj dhe pastaj iu njoftoj.Idetë që prezantohen në media, s’mund t’i shoh si formalisht të prezantuara.Sipas Kushtetutës, përcaktimi i politikës së jashtme bëhet nga presidentja. Kurdo që prezantohet një ide e tillë e shqyrtoj”, ka thënë Osmani.

“Është me rëndësi që çdo ide të analizohet në kontekst të interesave të Kosovës dhe qytetarëve. Nëse vlerësohet që e ndihmon Kosovën, s’ka arsye që të mos përkrahet. Duhet të prisni edhe pak derisa ta diskutojmë në mënyrë formale këtë propozim”, ka thënë presidentja.

(Kosova Sot Online)