Gjendet personi i cili kishte humbur

Shërbimi i Kërkim-Shpëtimit Malor të Kosovës ka njoftuar se është gjetur personi i cili ishte humbur dje në zoznën e qendrës skitare të Brezovicës, transmeton gazeta “Kosova Sot Online”.

ShKShMK’ja dje në orët e vona të mbrëmjes ka zhvilluar një operacion në malet e Sharrit.

Personi i humbur është në gjendje të mirë shëndetësore.

“Pas një kohë të shkurtë është bërë lokalizimi i personit të humbur, i cili kishte mbetur i bllokuar në një greminë ndër majën e Livadheve.

Fatmirësisht gjendja e tij shëndetësore ka qenë stabile, por në mungesë të veshmbathjes adekuate ka patur të ftohtë.

Të humburit i është dhëna ndihma e parë duke e ngrohur dhe ushqyer, pastaj është evakuar deri te patrulla e policisë në qendrën skitare të Brezovicës”, thuhet në njoftimin e tyre.

(Kosova Sot Online)