![Lajçak nuk dorëzohet, e vazhdon dialogun me kryenegociatorët](/uploads/kosova-sot/images/2024/June/20/200x200_101835_vucic-lajcak-sastanak_f-600x3601718862596.jpg)
Gërvalla: Nga kjo datë kosovarët pa viza në Izrael
![Gërvalla: Nga kjo datë kosovarët pa viza në Izrael](/uploads/kosova-sot/images/2024/April/12/auto_Donika-Gervalla1712925527.jpeg)
Ministrja Donika Gërvalla, ka njoftuar për nënshkrimin e marrëveshjes me Izraelin që bën të mundur udhëtimin e kosovarëve drejt shtetit hebre pa viza, transmeton gazeta “Kosova Sot Online”.
Marrëveshja, siç ka njoftuar ministrja e Punëve të Jashtme hyn në fuqi nga data 19 shtator 2024.
“Qytetarët e Republikës së Kosovës nga 19 shtatori i këtij viti mund të udhëtojnë pa viza edhe në Izrael, kjo falë marrëveshjes që sot nënshkruam me Ministrin e Brendshëm të Izraelit, Moshe Arbel, pas takimit dypalësh që patëm paraprakisht.
Kjo marrëveshje që nënshkruam dhe ky vendim për heqjen e vizave për qytetarët e dy vendeve tona është edhe një hap më shumë në fuqizimin e pasaportës së Republikës sonë dhe një kapitull i ri në promovimin e shtetit tonë, bashkëpunimin dhe zhvillimin ekonomik, zhvillimin arsimor të të rinjve si dhe realizimin e projekteve dhe iniciativave të përbashkëta mes qytetarëve dhe vendeve tona në të ardhmën”, ka shkruar Gërvalla.
(Kosova Sot Online)