![Gërvalla për KiE: Kosova duhet të tejmbush kushtet që të mund të kemi shanset e njëjta më të tjerët](/uploads/kosova-sot/images/2024/June/29/200x200_Screenshot_6-17-600x3601719670239.png)
Erdogan godet Netanyahun: I sëmurë mendor
![Erdogan godet Netanyahun: I sëmurë mendor](/uploads/kosova-sot/images/2023/December/07/auto_Erdogan_y_Netanyhau1701961090.png)
Presidenti turk, Rexhep Tayyip Erdogan bëri thirrje për mbështetje rajonale në Liban, duke deklaruar se Turqia qëndron në solidaritet me vendin, në vazhdën e tensioneve në rritje me Izraelin, transmeton gazeta "Kosova Sot Online".
Duke folur në grupin e partisë së tij, ai tha se kryeministri izraelit Benjamin Netanyahu ka në plan të përhapë luftën në Gaza në rajon dhe se kjo do të ishte “katastrofike”. Ai e përshkroi gjithashtu mbështetjen e ofruar nga Perëndimi për Izraelin si “të mjerueshme” dhe Netanyahun një “të sëmurë mendor”.
“Kuptohet se Izraeli, i cili dogji dhe shkatërroi Gazën, tani i ka vënë sytë Libanit. Edhe pse fuqitë perëndimore para kamerave flasin ndryshe, ne shohim se në prapaskenë ata po e përkëdhelin pas shpine Izraelin dhe madje e mbështesin atë. Është jashtëzakonisht e dëshpëruar dhe e mjerueshme që shtetet, të cilat kur flasin për lirinë, të drejtat e njeriut dhe drejtësinë, janë robër të një pacienti mendor si Netanyahu”, tha ai.
(Kosova Sot Online)