IHMK paralajmëron mot jo stabil: “Vende-vende” mund të ketë shembje të dheut, shkarkime rrufesh

Instituti Hidrometeorologjik i Kosovës ka paralajmëruar se moti ditëve të fundit është jo stabile si pasojë e reshjeve të shiut të përcjellura me stuhi lokale me breshër dhe erëra të forta, përcjell “Kosova Sot Online”.

Si pasojë IHMK paralajmëron se në disa vende mund të ketë shembe të dheut dhe të drunjëve dhe shkarkime rrufesh.

Ky institut thotë se për shkak motit pritet të ketë reshje shiu vende-vende me intensitet më të lartë, të cilat mund të paraqesin potencial për bllokim të sistemeve të kanalizimeve, mbyllje të pusetave, shembje të dheut dhe drunjëve, shkarkime rrufesh etj.

“Të nderuar, situata e përgjithshme Hidrometeorologjike ditëve të fundit është jo stabile, si pasojë e reshjeve të shiut të përcjellura me stuhi lokale me breshër dhe erëra të forta, duke shkaktuar edhe vërshime të shpejta sidomos të disa rrjedhave ujore me karakter malorë (rrëket, prrocakt etj). Situata e përgjithshme hidrometeorologjike në vend akoma nuk është stabile, ngase edhe sot dhe gjatë dy ditëve në vijim pritet të ketë reshje shiu vende vende me ingensitet më të lartë, të cilat mund të paraqesin potencial për bllokim të sistemeve të kanalizimeve, mbyllje të pusetave, shembje të dheut dhe drunjëve, shkarkime rrufesh etj”, thuhet në njoftim.

(Kosova Sot Online)