Bie teleferiku, më shumë se 20 të lënduar në këtë vend

Të paktën një person ka humbur jetën dhe 20 të tjerë janë lënduar pasi një teleferik u përplas në Kolumbi. Zyrtarët thanë se teleferiku në Medellin, i cili ishte pjesë e sistemit të transportit publik të qytetit, pati problem dhe u përplas në një trotuar pranë një platforme stacioni, transmeton  gazeta "Kosova Sot Online".

Sipas kryebashkiakut të qytetit, në kabinë kanë qenë 10 persona në momentin e rënies, por ende nuk dihet nëse personi që ka vdekur ishte në bord apo në tokë. 20 personat që u lënduan në incident morën kujdes mjekësor si dhe mbështetje psikologjike, thanë zyrtarët.

Metrocable është një sistem ashensori, që synon të lidhë disa nga lagjet e Medellin të vendosura në kodrat e pjerrëta. Menaxheri i Metrocable, Tomas Elejalde, tha se teleferiku kishte goditur një kabinë tjetër dhe më pas dështoi teksa iu afrua një stacioni në zonën verilindore të qytetit.

(Kosova Sot Online)