Daçiq jep urdhër të ndalohet Festivali 'Mirëdita, dobar dan'

Zëvendëskryeministri dhe ministri i Punëve të Brendshme të Serbisë, Ivica Daçiq, ka bërë të ditur se ka lëshuar urdhër për ndalimin e festivalit “Mirëdita, dobar dan”, transmeton  gazeta "Kosova Sot Online".

“Ministria e Punëve të Brendshme ka lëshuar urdhër për ndalimin e tubimit publik “Mirdita, dobar dan”, për shkak të rrezikimit të sigurisë së njerëzve dhe pronës, si dhe rrezikut të prishjes së rendit dhe qetësisë publike në përmasa më të mëdha. Gjithashtu, nuk do të lejohen tubime të tjera në atë zonë. Për këtë urdhër janë njoftuar organizatorët e takimit”, tha Daçiq, shkruan N1,.

Daçiq kishte dalë kundër këtij festivali qysh në fillim.

(Kosova Sot Online)